Қостанайда жеңіл көлік КамАЗ-бен соқтығысты, жүргізуші көз жұмды
Қостанайда жол-көлік апаты салдарынан 22 жастағы жүргізуші көз жұмды.
18:35 01.11.2018
Оқиға 1 қараша күні түнгі сағат 02.30 шамасында Қостанай қаласындағы Киевский көшесінде болған, деп хабарлайды облыстық Полиция департаментінің баспасөз қызметі.
«ВАЗ-2114» автокөлігінің 22 жастағы жүргізуші 29 жастағы азамат тізгіндеген КамАЗ-бен соқтығысты. Жеңіл көліктің жүргізушісі алған жарақаттары салдарынан оқиға орнында көз жұмды. Жолаушысы қалалық аурухананың жансақтау бөліміне жеткізілді», - дейді Полиция департаментінің баспасөз қызметіндегілер.
Аталған факті бойынша ҚР ҚК 345-бабы, 3-бөлігі (Жол қозғалысы ережелерін бұзу) бойынша сотқа дейінгі тергеп-тексеру амалдары басталды.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
