Ақтөбеде шоқпар мен пышақ ұстаған 200 студент төбелеске шықты
Қоғамдық ұйым жастардың төбелеске дайындалып жатқанын біліп, жағдай шиеленісе бастағанда, полицияға хабарласты
15:19 03.11.2018
Ақтөбе колледжінің 16-22 жас аралығындағы екі жүз студенті пышақ, кастетпен қаруланып, төбелеске дайындалған. Полиция мен қоғамдық ұйымның үйлесімді жұмысының арқасында трагедиямен аяқталуы мүмкін жанжалға жол берілмеді.
"Ақтөбе Таймс" өңірлік газеті қызыл шеке төбелес өткен аптада қала орталығында жоспарланғанын жазды. "Бүркіт" қоғамдық бірлестігінің жетекшісі Серік Сағиевтің айтуынша, "разборка" жергілікті жігіттердің бірі соққыға жығылғаннан кейін басталған. " Бүркіттіктер" зәбір көрген тараптың кек алуға дайындалып жатқанын біліп қалып, полиция шақырған.
Төбелеске 16-дан 22 жасқа дейінгі екі жүзге жуық студент келді. Сағиевтің айтуынша, полиция қызметкерлері студенттердің автокөліктерінен бірнеше пышақ, бита, шынжыр және кастет тапқан. Бөлімшеге 13 адам жеткізілді, деп толықтырды ол. Таразда дәмханада болған төбелестің соңы адам өлімімен аяқталды
Құқық қорғау органдарының қызметкерлері жастарды қысқа уақытта татуластырып үлгерді: келесі күні бір топ жігіт сауда орталығының жанында жиналды. Олар "бүркітшілерді" көріп, мәселенің шешілгенін айтып, үйлеріне тарады.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
