Шоколад, кофе және шарап қартаюды баяулатады
Бұндай қорытындыға Германияның Эрланген-Нюрнберг университетінің ғалымдары келді.
01:00 05.11.2018
Эрланген-Нюрнберг университетінің (Германия) ғалымдары шоколад, шай, кофе және шараптың құрамында болатын гидрохинондар мырышпен бірге қартаюды баяулатып, қышқылдандыру процесін тежейтінін анықтады. Мырыш пен гидрохинонның бірігу процесінде супероксиддисмутаза ферменті сияқты кешен пайда болады. Ол ағзаны тозудан сақтап, антиоксиданттық әсер береді.
Осылайша, ағзаға зақым келтіретін процестердің алдын алып, қартаюды баяулатуға болады. Қартаюды баяулататын гидрохинон шоколад, шай, кофе және шараптың құрамында кездеседі.
Бұған дейін диетологтар Жерорта теңізі диетасы мен балық пен теңіз өнімдерінен жасалған тағамдар қарт адамдардың денсаулығына пайдалы екенін анықтаған еді. Олардың пайымынша, теңіз өнімдерінің құрамында пайдалы май қышқылдары көп.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
