Ғимарат жарылып, 11 адам қаза тапты
Сирияның Дейр-эз-Зор қаласында 4 қарашада бұған дейін қылмыстық полиция отырған ғимарат жарылды.
15:24 06.11.2018
Соның салдарынан 11 адам қаза тапты, олардың арасында Ресей азаматтары да бар. Олардың кем дегенде алтауы "Вагнер жекеменшік әскери компаниясының" қызметкелері болуы мүмкін, деп хабарлажы"Новая газета" мен Syrian Observatory for Human Rights ұйымы.
"Сириядағы адам құқықтарының сақталуы жөніндегі обсерваториясының" өкілі жараланғандардың көбі ауыр жағдайда екенін хабарлаған. Ғимаратты "Ислам мемлекеті" экстремистік тобының содырлары жарған болуы мүмкін деген болжам бар.
Газет дереккөзінің мәліметіне қарағанда, жарылыс болған ғимаратқа қазір Сирия үкіметі әскерінің бесінші корпусы орналасқан. Ол еріктілер мен Ресей "әскери кеңесшілерінен" құрылған. Ресей билігі Сирияда ресейліктердің қазасы туралы ресми мәлімет таратпады.
Дереккөз: centralasian.org
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
