Ғалымдар қалай жылдам салмақ тастауға болатынын айтты
Ғалымдар зерттеу барысында сынақтан өткен адамдарға тамақтану немесе жаттығу жасау бойынша ешқандай ұсыныс бермеді.
13:09 07.11.2018
АҚШ ғалымдары күнделікті салмақты өлшеу арықтауға көмектесетінін дәлелдеді. Зерттеуге мыңнан астам адам қатысты. Ғалымдар бір жыл бойы еріктілер қаншалықты жиі салмақ өлшегенін, сондай-ақ олардың салмағындағы өзгерістерді жазып отырды.
Қатысушылар арасында тұрақты өлшенгендер де, мұны өздігінен ешқашан жасамағандар да болды. Өлшену жиілігіне байланысты зерттеушілер сыналатын адамдарды бірнеше топқа бөлді.
Бір жыл ішінде аптасына бір реттен көп өлшенбегендер еш өзгеріссіз қалса, ал аптасына алты-жеті рет өлшенгендер салмақ тастағаны анықталды. Сонымен қатар зерттеу барысында ғалымдар сынақтан өткен адамдарға тамақтану немесе жаттығу жасау бойынша ешқандай ұсыныс бермеді. Ғалымдардың пікірінше, зерттеудің нәтижесі дене салмағының өзгеруін өздігінен бақылау едәуір тиімді арықтауда негізгі рөл атқаратынын көрсетіп отыр.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
