Әділбек Ниязымбетов бокстағы мансабын аяқтады
Олимпиаданың екі дүркін күміс жүлдегері Әділбек Ниязымбетов спорттық жолын аяқтады.
11:27 12.11.2018
2012 және 2016 жылдары Олимпиада ойындарының күміс жүлдегері болған, бұрынғы әлем және Азия чемпионы Әділбек Ниязымбетов спорттық жолын аяқтау туралы шешім қабылдады. Бұл жайлы бокстан ұлттық құраманың бас бапкері Мырзағали Айтжанов мәлім етті.
«Ия, Әділбек бізбен ақылдасқаннан кейін осындай шешім қабылдады. Ол көп жылдар бойы Қазақстан құрамасында өнер көрсетті. Жеңістері де аз емес. Қазақстан жалауын көкке көтерді. Оның жарақаттары бар, емдеу үшін уақыт қажет. Ал спортшының денсаулығы бәрінен де жоғары»,- деді Мырзағали Айтжанов.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
