Ғалымдар қорылдаудың өлімге әкелетін қаупін айтты
Адамның жүйкесіне тиіп қана қоймай, денсаулығына да орасан зор зиян келтіреді екен.
09:50 30.11.2018
Мюнхен университетінің ғалымдары анықтағандай, ұйықтап жатып қорылдайтын ер азаматтар мен қыз-келіншектер уақыт өте келе жүрек-қантамыр ауруына шалдығуы мүмкін. Eurek Alert хабарлауынша, ауа жетіспеушілігінің зардабы ер адамға әйел затынан қарағанда "кешірек" тиеді – нәзік жандылар небәрі бірнеше жылдың ішінде жүрек дертіне ұшырауы ықтимал.
Зерттеушілер атап өткендей, емдік шаралар қабылдамау немесе дұрыс жатып ұйықтамау салдарынан апноэ — тыныстың қысқа уақытқа тоқтауы туындайды. Бұдан бөлек, қорылдау салдарынан жүректің сол жақ қарыншасы кішірейіп, қан ағысына ықпал етеді. Ал қорылдаудың басты себебі – артық салмақ пен ұйықтағанда қисық жату. Ал тыныс жолдарының ауруы қорылдаудың негізгі себебіне жатпайтын көрінеді.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
