Адамдар толы автобус шатқалға құлап кетті
Үндістан шығысындағы Трипура штатында автобус шатқалға құлап, соның салдарынан кем дегенде 30 адам жарақат алған.
14:00 05.12.2018
Телеарнаның хабарына қарағанда, жол апаты бүгін таңертең Дхалаи округінде болған. Апат салдары әзірге белгісіз.Жергілікті медициналық қызмет өкілдерінің айтуынша, 30 жолаушының 22-сі хал үстінде жатыр. Қазір оларға ауруханада көмек көрсетілуде.
Қаза тапқандар туралы ақпарат жоқ.Штаттың бас министрі Биплаб Кумар Деб зардап шеккендер жатқан ауруханаға барған. Оның айтуынша, құлаған автобус жолаушыларының ем-домына кететін қаражатты үкімет өз мойнына алады.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
