Алматыда үйден шыққан өрттен 4 адам құтқарылды
Алматының өрт сөндірушілері өрттен төрт адамды алып шығып, 40-тан астам тұрғынды қауіпсіз жерге көшірді.
16:00 07.12.2018
Өрт бүгін, 7 желтоқсан күні таңертең Бостандық ауданына қарасты №12 Көктем ықшамауданында болған. Өрт сөндірушілер келгенде 5-тұрғын үйдің 5-қабатындағы баспалдақ алаңы қою түтінге оранып жатты. Бұл тұрғындарды сыртқа алып шығуға кедергі келтірген. Сондықтан өрт сөндірушілер үш аяқты баспалдақтар мен АЛ-37 автобаспалдақтар арқылы адамдарды терезеден шығарып алған.
Төрт адам құтқарылып, 45 тұрғын қауіпсіз жерге көшірілді. Оның бесеуі балалар. Өрт 5 қабатты үйдің 5-қабатында шығып, 30 шаршы метр аумаққа таралған.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
