«Белбеумен ұра бастады» - прокурор сотта Денис Теннің қалай өлтірілгенін айтты
Күдікті Арман Құдайбергенов әйгілі спортшының бетінен шалбарының белдігімен ұрғылаған.
15:55 03.01.2019
Олимпиада жүлдегерінің өліміне қатысты сотта айыптау актісін прокурор: күдікті Арман Құдайбергенов әйгілі спортшының бетінен шалбарының белдігімен ұрғылаған, - деді. Жол-жөнекей пышақ сатып алып, Қиясов екеуі қылмысқа тыңғылықты дайындалып шыққан. Бұл дәйектерге қарамастан, үш сотталушы да қылмысқа ешқандай қатысымыз жоқ деп ақталды. Сондай-ақ, бүгінгі отырыста айыпталушылардан зардап шеккен өзге де көліктің иелері материалдық шығын талап етті.
Денис Теннің өліміне қатысты өткен сот талқылауы прокурордың айыптау актісін оқуымен басталды. Мемлекеттік айыптаушының мәліметінше, күдікті Арман Құдайбергенов әйгілі спортшыны белдікпен бетінен ұрып, одан соң Нұралы Қиясов пышақ сұққан. Тіпті, үшеуі сауда үйінен алдын ала ас үй пышағы пен қолғап сатып алыпты. Ал Толыбаева ұрлық сәтінде 7 метр ара қашықтықтан сол аумақты бақылап тұрған деседі. Толығырақ КТК арнасынан кешкі жаңалықтардан көріңіз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
