Қыз алып қашқан жігіттің басы бәлеге қалды
Рудныйда жігіт қызды үйінде екі жарым сағат күштеп ұстаған.
08:00 07.01.2019
Қыз алып қашқан жігіттің басы бәлеге қалды. Өйткені, танысына үйленгісі келіп, бойжеткеннің қалауынсыз өз үйіне алып келген. Жігіт қызбен шаңырақ көтеруді жоспарлаған. Сөйтіп, 17-желтоқсан күні, сағат 18:00-де Рудный қаласының тұрғыны қызды алып қашып, заңсыз үйіне алып келген және бойжеткенді екі жарым сағат бойы үйінде ұстаған. Алайда, қыз оған тұрмысқа шығуды қаламапты. Полиция келгеннен кейін жігіт қызды босатқан. Қыз алып қашқан жігіттің басы бәлеге қалды, себебі заңсыз бостандықтан айырды деп, осы факт бойынша ҚР ҚК 126 бабымен сотқа дейінгі тергеу жұмыстары басталды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
