Бірнеше облыста дабылды ескерту жарияланды
Үш өңірде ауа райына байланысты синоптиктер ескерту жариялады.
16:35 07.01.2019
Түркістан, Жамбыл және Қызылорда облыстарында дабылды ескерту жарияланды. Жамбыл облысында 8-9 қаңтарда оңтүстік-батыстан соққан желдің күші секундына 15-20 метрге жетеді. 8 қаңтарда таңертең және күндіз, 9 қаңтарда түнде жел секундына 23-28 метрге дейін соғады. Кейбір жерде тұман түсіп, көктайғақ болады.
Тараз қаласында 8 қаңтарда таңертең және күндіз, 9 қаңтарда түнде желдің екпіні 15-20 м/с, кей уақытта 23 м/с болады. Тұман түсуі мүмкін, деп жазады sputniknews.kz.
«Қызылорда облысының Сырдария өзенінде сеңнің жүруіне байланысты өзен арнасы тарылып, су деңгейі көтеріліп, алқапқа шығуы мүмкін. Сонымен қатар, 7-8 қаңтар күндері Қызылорда облысында ауа-райының жылынуына байланысты жазық жерлерде еріген қар суы пайда болуы ықтимал», — деп хабарлады синоптиктер.
Бұдан бөлек, Түркістан облысының таулы жерлерінде қатты жауын-шашынның түсуіне байланысты 8-9 қаңтарда тау бөктерінде ағын су пайда болуы мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
