Италияда қатты аяз: Фермерлер бұзауларға пальто кигізіп жатыр
Италияда арктикадан жеткен суық салдарынан температура күрт төмендеді.
08:00 09.01.2019
Ірі қара малды аяздан аман алып қалу үшін кейбір жергілікті фермерлер малға жылы киім кигізуге мәжбүр болды.
«Фермерлер бұзауларды пальтоға орап, сондай-ақ қораларды жылы ұстау үшін электр шамдарын орнатуда. Малға беретін суды 20 градусқа дейін ысытып, қосымша азықтандырып жатыр»,-дейді Coldiretti ауыл шаруашылығы қауымдастығының мамандары.
Италиялық фермерлердің есебі бойынша, қолайсыз ауа райының 2018 жылы ауыл шаруашылығына тигізген зияны €1,5 млрд-тан асып кеткен. Ал 2019 жылғы бұл қатты суық азық-түлік жеткізуге проблемалар тудыруы мүмкін. Ал қосымша азықтың шығыны ет өнімдерінің қымбаттауына соқтырады.
Дереккөз: inform.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
