Жамбыл облысында бір адамнан 2 кг марихуана табылды
Жамбыл облысы Меркі ауданында бұрын сотты болған азаматтан кептірілген марихуана табылды.
09:35 09.01.2019
«2019 жылы 5 қаңтарыда Жамбыл облыстық полиция департаментінің қызметкерлері Меркі ауданы, Беларық ауылында осы ауданның 53 жастағы И. есімді тұрғынын ұстады. Ол 2009 жылы ҚР ҚК 259-бабының 1-бөлігі бойынша сотталып, жазасын өтеп келген. Оны тінту кезінде көк түсті полипропилен қапшығына салынған, жалпы салмағы 2кг 230 гр болатын кептірілген марихуана табылды», - делінген департаменттің баспасөз қызметінің мәлімдемесінде.
Жамбыл облысында бір адамнан 2 кг марихуана табылды. Қазіргі таңда ұсталған азамат кінәсін мойындап, уақытша ұстау изоляторына қамауға алынған. ҚР ҚК 296-бабының 4-бөлігі бойынша қылмыстық іс қозғалып, алдын алу тергеу жұмыстары жүріп жатыр.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
