Маңғыстауда ер адам өзіне байқаусызда оқ атып алған
Маңғыстауда кеудесіне оқ тиген ер адам шұғыл түрде ауруханаға жеткізілді.
17:14 09.01.2019
Қазір оның өміріне қауіп төніп тұрған жоқ деп хабарлайды Маңғыстау облыстық Денсаулық сақтау басқармасының баспасөз қызметі. Ведомствадағы мәліметке сүйенсек, оқиға 9 қаңтар күні болған. Жүрек және өкпе тұсынан оқтан жарақат алған ер адам сағат 11:30 шамасында ауруханаға жеткізілген.
«Ота сәтті аяқталды. Алайда науқастың жағдайы әлі де нашар. Дегенмен дәрігерлер оның өміріне ешқандай қауіп төніп тұрмағанын айтады», – дейді Денсаулық сақтау басқармасының баспасөз қызметі.
Ведомства өкілі Азамат Сарсенбаев , отаны тәжірибелі дәрігерлер жасағанын айтты. Сондай-ақ, ведомствада ер адамның байқаусызда мылтықтан өзіне оқ атып алғаны айтылған. Құқық қорғаушылар болған оқиғаның жай-жапсарын анықтауда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
