Алматы әуежайында бірнеше рейс кешігіп жатыр
Халықаралық әуе айлағының мәліметтері бойынша, Алматыға Үрімші, Астана мен Ақтаудан ұшып келуі тиіс ұшақтар кешіктірілуде.
11:20 10.01.2019
Бүгін, 10 қаңтар күні Алматы әуежайының электрондық таблосына сәйкес, үш рейспен ұшатын жолаушыларға кідіруге тура келеді. Атап айтқанда, «Үрімжі-Астана» бағытының рейсі Алматыдан кешігіп ұшатын болды. Сонымен қатар «Астана-Алматы» бағытындағы КС671 рейсі, «Астана-Франкфурт» рейсі кейінге шегерілді. Бұл кешеден бері оңтүстік астананы басқан тұманға тікелей байланысты болуы мүмкін.
Сонымен қатар, «Үрімжі -Алматы» бағытындағы CZ6011 рейсі, «Астана-Алматы» бағытындағы О358 рейсі кешігіп шығатын болды. Онлайн таблодағы ақпаратқа сәйкес, ұшақтар кестесінің бұзылуынан Ыстанбұл-Қарағанды бағытындағы НКС9492 рейсі, «Астана-Алматы» бағытындағы «Эйр Астана» әуе компаниясының ІО354 рейсі, «Алматы-Шымкент» бағытындағы «Скат» әуе-компаниясының КС972 әуе рейсі Алматыға кешігіп келеді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
