Қостанайда әкесі мен қызы иіс тиіп қайтыс болды
Қостанай қаласындағы жекеменшік тұрғын үйде екі адам иіс тиіп қайтыс болды.
19:28 15.01.2019
Бұл туралы облыстық ТЖД баспасөз қызметі хабарлайды. Оқиға 14 қаңтар күні кешкісін болған.
«Сағат кешкі 20:15-те Қостанай қаласындағы Путейская көшесіндегі 6-шы үйде 1953 жылғы ер адам мен 1981 жылғы әйел адам иіс тиіп, қайтыс болған», - деп хабарлады ТЖД.
Газдан уланған 65 жастағы әкесі мен 37 жастағы қызының денесін төтеншеліктер тұрғын үйлердің бірінен тауып алды. Аталған оқиға бойынша сот-медициналық сараптама тағайындалды. Қайғылы жағдайдың нақты неден шыққанын әзірге белгісіз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
