«Қазақфильм» кастинг жариялады

Аталған кинотуындыны ҚР Мәдениет және спорт министрлігі тапсырысы бойынша Ш.Айманов атындағы «Қазақфильм» АҚ түсіреді. Киножоба қазақтың ұлы хандарының бірі - Қасым ханның өмірі туралы баяндайды. «Фильмнің көркемдік жетекшісі - «Ертұғырыл» сериалын түсіріп жатқан түрік режиссері Метин Гюнай.

Басты рөлдерге, қосалқы және эпизодтық рөлдерге 3 және 80 жас аралығындағы барлық қазақстандықтар (балалар, ер адамдар мен әйелдер) қатыса алады (ер азаматтардың бойы 180 см-ден кем болмауы тиіс). 

Басты талап – қазақ тілінде еркін сөйлеуі керек. Әйелдерге айрықша айта кететін ақпарат: кастингке бет бояусыз және жасанды кірпіксіз келулері керек. Татуажы бар қыз-келіншектер қабылданбайды.

Кастинг Қазақстан бойынша өтеді. Алматы қаласында кастинг жұмыстары 25 қаңтардан басталады. Мекен жайы: Алматы қ-сы, Әл-Фараби даңғ., 176, «Қазақфильм» киностудиясы, «ПЛК» ғимараты, 2-ші қабат, 252 кабинет. Жұмыс уақыты – күнделікті сағат 10.00-ден кешкі 22.00-ге дейін.

Сондай-ақ, kazakhfilmcast@gmail.com электронды поштасына келесі ақпараттарды жолдау мүмкіндігі бар: жақыннан бет бояусыз, көзілдіріксіз және линзасыз,  бас киімсіз, өңделмеген фотосуреттерді (селфи емес), сондай-ақ тұла бойы көрінетін бір сурет  және өзі туралы қысқаша ақпаратты (аты-жөні, жасы, бойы мен салмағы, білімі және кинодағы тәжірибие туралы). 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!