Ұлының өміріне араша түскен әкесі қолтырауынды тістелеп тастады
Әкесінің батыл әрекетінің арқасында бала өлім ауызынан қалды.
08:46 30.01.2019
Филиппин аралдарындағы Балабак қаласында ер адам қолтырауынның шабуылына ұшыраған 12 жасар ұлын құтқарып алды. Жасөспірім інісімен бірге өзенде шомылып жүргенде, алып жыртқыш бас салған. Қолтырауын ер баланың сол қолынан тістеп, өзеннің түбіне қарай тарта жөнеледі. Оқиғаның куәгері болған інісі көмек шақыру үшін үйіне қарай жүгіріпті.
Оқиға орнына балалардың әкесі жетеді. Отағасы ұлын жыртқыштың азуынан босату үшін әуелі қолтырауынды жұдырықпен тоқпақтайды, бірақ еш нәтиже болмаған. Сол кезде ер адам қолтырауынның қолындағы жұмсақ жерлерін тістелей бастапты, көп ұзамай жыртқыш баланы қоя беріп, жүзіп кетеді. Сөйтіп, әкесінің батыл әрекетінің арқасында бала өлім ауызынан қалды. Жасөспірімді бірден ауруханаға жеткізіп, медициналық жәрдем көрсеткен.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
