Қазақстанда жаңа мереке пайда болды
Шілде айында су шаруашылығы қызметкерлері өзінің кәсіби мерекесін атап өтеді.
09:20 30.01.2019
Қазақстанның мерекелік күнтізбесі су шаруашылығы қызметкерлері күнімен толықты. Үкіметтің 2019 жылғы 24 қаңтардағы №11 қаулысы Қазақстан Республикасы нормативтік құқықтық актілерінің ақпараттық-құқықтық жүйесінде жарияланды.
Аталған құжатқа сәйкес, Қазақстанның мерекелік даталар тізбесі осы жылдан бастап 9 шілдеде аталып өтетін су шаруашылығы қызметкерлері күнімен толықты. Сондай-ақ, осы айда дипломатиялық қызмет, 2018 жылы алғаш рет аталып өткен ұлттық домбыра, Қазақстанның ұлттық қауіпсіздік органдары, балық шаруашылығы күнін, металл, сауда саласының және көлік қызметкерлерінің күнін атап өтеді.
Бұдан өзге республика халқы 6 шілдеде Астана қаласының туған күнін тойлайды. Естеріңізге сала кетсек, 2018 жылдың қараша айында Қазақстан күнтізбесіне жаңа дата — Қазақстан Республикасының мемлекеттік фельдъегерь қызметі күні енгізілген болатын.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
