Астанада 11 айлық қыз жүрек ақауы мен гангренадан қайтыс болды
Қызды емдеудің барлық кезеңіндегі әрекеттерін әділ бағалау бойынша кешенді тексеріс басталды.
15:28 31.01.2019
Астана қаласының қоғамдық денсаулықты сақтау департаментінің басшысы Сәдуақас Байғабылов туабітті жүрек ақауы және гангрена салдарынан 11 айлық қыздың қайтыс болуына қатысты пікір білдірді, деп хабарлайды ҚазАқпарат. Осы жағдайды тексеру үшін қосымша тәуелсіз сарапшылар шақырылып, дәрігерлердің қызды емдеудің барлық кезеңіндегі әрекеттерін әділ бағалау бойынша кешенді тексеріс басталды.
«Тексерістер мен сараптама қорытындылары дәрігерлерге қатысты заң аясында шара қолдануға пайдаланылады. Бұл мәселені Астана қаласының қоғамдық денсаулықты сақтау департаменті ерекше қадағалап отыр», - деп мәлімдеді департаменттің баспасөз қызметі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
