Ізім-ғайым жоғалған 23 жастағы жігітті аяусыз өлтіріп кеткен
Алматы облысында жоғалып кеткен жігіт өлі табылды.
13:40 27.02.2019
Алматы облысында бірнеше күннен бері із-түзсіз жоғалып кеткен 23 жастағы Вакил Мамедов өлі табылды. Полицияның хабарлауынша, жігітті өзі тұратын ауылдың маңынан тапқан. Бұл қылмысқа қатысы бар күдікті ұсталды. Вакил Мамедовты ауылдасы өлтірген болуы мүмкін. Жас жігіттің денесінен қинап өлтіру белгілері табылыпты.
«Осы дерек бойынша қылмыстық іс қозғалды. Күдікті уақытша қамау изоляторына қамалды. Қазіргі уақытта тексеру жұмыстары жүргізілуде», – деп мәлімет берді облыстық полиция департаменті.
Еске салсақ, Вакил Мамедовтың жақындары 22 ақпан күні оған іздеу жариялаған болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
