Алматыда автобустардың бағыты өзгерді
Алматыда екі автобус маршрутының қозғалыс бағытына өзгеріс енді.
18:02 27.02.2019
№141 автобус бағыты өзгерді. 4 наурыздан бастап соңғы аялдама «Көпір» автостансасынан ГЭС аялдамасына дейін ұзартылады. Күн сайын маршрутта 15 автобус жұмыс істейді. Қоғамдық көлікке «Олжас ЛТД» ЖШС қызмет көрсетеді.
«№141 автобус бағыты Медеу ауданында орналасқан «Балбұлақ» сауықтыру орталығы мен «Алатау» балалар клиникалық шипажайының қызметкерлері мен келушілерінің өтініштеріне байланысты өзгертілді», - деп атап өтті Алматы қаласының қалалық мобильділік басқармасынан.
Сондай-ақ, қаладағы №15 автобустың Орбита шағын ауданындағы қозғалыс сызбасы да өзгерген. Маршрут Навои көшесінен Мұстафин көшесіне бағытталған. Желіде 23 құрам жұмыс істейді. Автобусқа «Бату travel компаниясы» ЖШС қызмет көрсетеді.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
