Алексей Полторанин Австрия түрмесінен босатылды
Австриядағы әлем чемпионаты кезінде ұсталған қазақстандық шаңғышы Алексей Полторанин қамаудан босатылды.
08:40 01.03.2019
ҚР шаңғы жарысының Ұлттық федерациясының баспасөз хатшысы Самал Наурызова хабарлағандай, Алексей Полторанин Австрия түрмесінен босатылған.
«Қазір спортшы Зеефельд қаласында. Алексей өзін қалыпты сезінуде. Оның Әлем чемпионатындағы жарыстарға қатысуы кейін анықталатын болады», - дейді Самал Наурызова.
Еске сала кетсек, кеше шаңғы жарысы бойынша Қазақстан құрамасының көшбасшысы Алексей Полтаранинді австриялық полицейлер антидопингтік ережені бұзды деген айыппен қамауға алды. .
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
