Алматы облысында бүтін бір отбасы уланып қалды: біреуі қаза тапқан
Алты тұрғын ауруханаға жеткізілген, арасында 1 жастағы нәресте мен 6 жастағы бала бар.
14:42 02.03.2019
Алматы облысында бір отбасында 7 адам иіс газынан уланып, 57 жастағы ер адам көз жұмды.
«2 наурыз күні Алматы облысы Алакөл ауданы Үшарал қаласындағы жер үйде пештің дұрыс жанбауынан 7 адамға иіс тиіп, уланып қалған. Олардың арасында 2013 және 2018 жылы туған балалар бар», - делінген хабарламада.
Баспасөз қызметінің хабарлауынша, жедел жәрдем көлігінде 1962 жылы туған ер адам көз жұмған, деп жазады sputniknews.kz. Төтенше оқиғадан зардап шеккен қалған 6 адам ауруханаға жеткізілді.
Мамандардың айтуынша, тұрғындардың иіс газынан уланып қалуының басты себебі - мұржаның күлге толып, бітеліп қалуы.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
