Төтенше оқиға: Петропавлда мейрамханадан 200-ге жуық адам қауіпсіз жерге шығарылды
Петропавл қаласының өрт сөндірушілері мейрамханадағы 170 адамды эвакуациялады.
16:57 03.03.2019
Баспасөз қызметінің мәліметінше, «Есіл» мейрамханасындағы жертөленің ішін қою қара түтін басқаны туралы хабар 101 телефонына 2 наурыз күні сағат түнгі 23:31-де түскен.
«Оқиға орнына облыстық «Өрт сөндіру және апаттан құтқару қызметі» мемлекеттік мекемесіне қарасты №1,2,3 өрт сөндіру бөлімдерінің мамандары 7 арнайы көлікпен шұғыл жеткен. Олар мейрамхана қызметкерлері мен қонақтарды қоса есептегенде 170 адамды қауіпсіз жерге көшірген», - делінген хабарламада.
Өрт мейрамхана мен көпқабатты тұрғын үйдің арасындағы қоқыс тұрған жерден шыққан. Қызыл жалын 6 шаршы метрге шарпыған, деп жазады sputniknews.kz. Өрт түнгі сағат 00:02-де толық сөндірілген. Мамандар өрттің неден шыққанын анықтап жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
