Бір отбасының 3 мүшесі қатерлі ісіктен қорқып, асқазанын алдырып тастады
Анасы мен әпкесі қайтыс болғаннан кейін отбасы мүшелері өздерін онкологиялық аурудан қорғау үшін осындай қадамға барған.
13:28 04.03.2019
София Ахмед пен оның бауырлары Тахир Хан және Омар асқазанын ота арқылы алдырып тастады. Олар мұндай қадамға анасы мен әпкесі асқазанның қатерлі ісігі дертінен көз жұмғаннан кейін барды.
Софияның айтуынша, 32 жастағы әпкесі қайтыс болғаннан кейін оның медицина картасынан қатерлі ісіктің бұл түрі тұқым қуалауы мүмкін екенін оқыған. Ал дәрігерлер болса оларға асқазан қатерлі ісігі дерті пайда болмауы үшін ағзасын алдырып тастауға кеңес берген.
Барлық үш ота да сәтті өткен. Софияның айтуынша, ол бұрынғыдай тамақтанып, қалағанын жасай алады. Операциядан кейін әйел жүкті болып, сау баланы дүниеге әкелген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
