Құрылыс алаңына ерекше селфи жасауға барған оқушыларды зорлап кетті
Полицейлер дереу күдіктіге іздеу жариялап, 3 наурыз күні қолға түсірді.
11:13 05.03.2019
Ресейдің Волгодонск қаласында екі жасөспірім қызға азғындық жасады деген күдікпен ер адам ұсталды. Құқық қорғау органдарының мәліметінше, өткен аптаның сенбісінде, 2 наурыз күні жасөспірім қыздар (14 және 15 жаста) Гагарин көшесінде орналасқан балалар емханасының жанындағы қараусыз қалған құрылыс алаңында ерекше селфи жасамақ болған, деп жазады sputniknews.kz. Сол жерде оларға ересек ер адам келіп, қыздарды жыныстық қатынасқа түсуге мәжбүрлеп, содан кейін ізін суытқан.
Болған оқиға полицейлерге жетіп, бірден күдіктіге іздеу жарияланды. Сол күні кешке В-У және В-16 шағын аудандарындағы дүкендерге бағыттама орналастырылып, әлеуметтік желілер арқылы зорлықшының фотороботы таратылды. Ол жексенбі күні ұсталып, Волгодонск Тергеу бөліміне жеткізілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
