Қытайда қазақстандық бойжеткен ұсталды
Қазақстандық студентке есірткі таратты деген айып тағылған.
10:30 09.03.2019
Оксана Ходеваның қызынан бөлек, Қытайда егіз сіңлілері білім алып жүр екен. Солардың тұратын жерінде 28 ақпанда Юлияны қаланың құқық қорғау органдары ұстап әкетеді. Қызының есірткі таратты деген күдікке ілінгенін Қазақстанның Қытайдағы елшілігі өкілінен біліпті.
«27 ақпанда Чжэцзян провинциясының құқық қорғау органдары ҚР азаматшасы Юлия Ходеваны ұстады. Ол есірткі құралдарын сақтау және тарату бойынша күдіктелуде», - деді ҚР СІМ ресми өкілі Айбек Смадияров.
СІМ мәліметінше, Шанхайдағы ҚР Бас консульдығы оның туыстарымен байланысқа шыққан, оларға консульдық-құқықтық кеңес берілген, атап айтқанда жергілікті адвокаттар ұсынылған.
«Юлия Ходева тарапынан қамаудағы жағдайына және денсаулығына байланысты шағымы жоқ. Тергеу үш айға дейін созылуы мүмкін. Дипломаттар мәселені өз бақылауына алды», - деді ол.
Ақтау тұрғыны Юлия Ходева 28 ақпанда Қытайдың Хуанчжоу қаласында есірткі таратты деген күдікпен ұсталған. Юлияның анасы Оксана Ходева басылымға берген сұхбатында айтқандай, қызы Хуанчжоудың технологиялық университетінде алты жыл оқыпты. Екі айдан соң диплом алуы керек болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
