Әлемдегі ең қарт адам Жапонияда тұрады: ФОТО
Кане Танака 1903 жылы 2 қаңтарда дүниеге келген.
12:24 10.03.2019
Отбасындағы жетінші сәби болған. Қарт өмір бойы күйеуі екеуі бірге ашқан, күріштен дайындалған моти шелпектерін сататын дүкенде жұмыс істеген. Жапония тұрғыны Канэ Танака Гиннестің рекордтар кітабына әлемнің ең қарт тұрғыны ретінде енді.
Оның жасы 116 жыл 66 күн. Оған ресми атақты тапсыру рәсімі өтіп, бір қорап шоколад берген. Әйел болса бұл жағдай оның өміріндегі ең қуанышты сәт екенін айтып, тәттіні дереу жей бастаған. Оның күйеуі мен үлкен баласы Екінші дүниежүзілік соғыста қайтыс болған.
2005 жылдан бері Танака Фукуока қаласындағы қарттар үйінде тұрады. Ол ерте тұрғанды және үстел үстіндегі ойындарды ұнатады. 103 жасында ол қатерлік ісікке операция жасатқан. Содан бері денсаулығына шағымданбаған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
