2 минутқа ұшаққа кешіккен ер адам бір ажалдан аман қалды
Ethiopian Airlines әуекомпаниясының рейсіне екі минут кешіккен грек Антониос Мавропулос бір ажалдан аман қалды.
12:23 11.03.2019
Себебі дәл осы ұшақ әуеге көтерілген бойда құлаған.
"Адамдардың отырып жатқандарын көрдім. Мені кіргізбегендері үшін қатты ашулы болдым", – деді Мавропулос.
Антониос рейске екі минутқа кешігіп келген, осылайша жүгін тапсырып үлгермеген оны ұшаққа кіргізбей қойған. Кейін апат туралы хабар келгенде полицейлер ер адамды тұтқындаған, өйткені ол осы рейске кірмеген жалғыз адам.
Естеріңізге салайық, Адис-Абебадан Кения астанасы Найробиге ұшып бара жатқан Ethiopian Airlines компаниясының ұшағы жексенбі күні таңертең апатқа ұшырады. Бортта 149 адам және экипаждың жеті мүшесі болған. Барлығы қаза тапты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
