Екатерина Айдова Калгари турнирін жеңіп, рекорд орнатты
Канаданың Калгари қаласында конькимен жүгіру спортынан өткен халықаралық турнир аяқталды.
11:53 18.03.2019
Қазақстандық Екатерина Айдова жарыстың жаңа рекордын қойды. Жарыста 27 жастағы қазақстандық спортшы Екатерина Айдова 1 500 метр қашықтықты 1.53.53 уақытымен еңсеріп, Қазақстанның рекордын жаңартты. Бұған қоса турнирдің жеңімпазы атанды.
Ерлер арасындағы жарыста Қазақстаннан барған Александр Кленко сегізінші, Демьян Гаврилов - 11, Дмитрий Морозов - 14, Виталий Щиголев - 16, ал Иван Аржаников 25-орынмен шектелді. Жаппай жарыста Гаврилов құрама қоржынына тағы бір алтын медаль салды. Жарыс қорытындысы бойынша Айдова үздік шетелдік спортшы атағын иемденді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
