Шымкентте мектеп оқушылары уланып, ауруханаға түсті
Оқиға салдарынан 37 оқушы мен 1 мұғалім және 1 еден жуушы жедел жәрдем қызметімен ауруханаға жеткізілген.
09:21 19.03.2019
Күндізгі сағат 16:53-тер шамасында №54 мектепте 25 адам белгісіз иістен уланып қалған. Балалардың басы айналған. Оқу орнында негізінен екінші ауысымдағы 4-7 сынып оқушылары болған.
Мектептен мыңдаған адам эвакуацияланған. Олардың 800-ден астамы - оқушы. Білім басқармасының хабарлауынша, мектепте газ болмаған және жылу құрылғылары тоқтатылған. Төтенше жағдайлар департаментінің алдын ала болжамы бойынша, иіс мектеп аумағына сырттан келуі мүмкін.
Қалалық денсаулық сақтау басқармасының мәліметінше токсикологиялық орталыққа барлығы 39 адам түскен. Олардың екеуі ғана ересектер. Дәрігерлік тексеруден кейін 34 оқушы үйіне қайтарылған. Оқиғаға қатысты тексеру жүріп жатыр. Иістің қайдан шыққаны әзірге белгісіз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
