Күйеуінен кек алғысы келген әйел 3 жасар қызын өлтіріп тастады
Анасы 3 жасар қызын өз қолымен өлтірді.
14:31 19.03.2019
Осылайша күйеуінен кек алмақ болған. 36 жастағы Клэр Коулборн өмір бойына бас бостандығынан айырылды. Ол күйеуінің адалдығына күмәнданғандықтан, кек алудың жолын ойластырады. Күйеуі әріптесімен кездесіп жүр деп топшылайды. Сондықтан екеуіне ортақ қызын өлтіріп, кек алмақ болады.
Оқиға 2017 жылдың 7 қыркүйегінде болған. Бірақ бұл жайлы тек енді ғана белгілі болып отыр. Алдағы 18 жылда сотталушы қайта шағымдана алмайды. Оның айтуынша, бірнеше апта бойы адамды суға тұншықтырып өлтіру амалдарын зерттеп көреді. Ақырында ұйқыдағы қызын оятып алып, ваннаға апарады. Қызына жақсы көретінін айтып, суға батырады.
"Өкінішке қарай менің кішкентай қызым маған толықтай сенетін", - деді сотталушы.
Қызы жанталаспай-ақ көз жұмған екен. Осыдан соң анасы да өзіне қол жұмсауды жөн көреді, бірақ тірі қалды. Әкесі қызының өлімі жайлы полицейлерден естіген.
Дереккөз: Stan.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
