Химиялық зауытта жарылыс болып, 44 адам қаза тапты
Қытайдағы ірі химиялық зауыттардың бірінде жарылыс болды.
15:00 22.03.2019
Апат салдарынан 44 адам көз жұмып, 90 адам зардап шеккен. Зардап шеккен 32 адам ауыр халде жатыр. Ауруханаға әртүрлі шағыммен 640 адам келген.
Құтқару операциясына 192 өрт сөндіру техникасы мен 930 әскери ауыр техникасы жұмылдырылды. Жарылыс 21 наурыз күні түстен кейін Яньчэн қаласының өндірістік аймағында орналасқан химиялық зауытта болған. Зауыттағы жарылыс салдарынан күшті өрт басталған.
Артынша жер сілкінісі байқалған. Қытай сейсмикалық агенттігі оқиға орнының жанында 2,2 магнитудасы бар жер асты дүмпулерін тіркеген. Зауыттағы жарылыстың шығу себебі анықталуда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!