Конор Макгрегор спорттан кететінін айтты
Ирландиялық файтер, UFC-дің бұрынғы чемпионы Конор Макгрегор ММА-ден кеткенін мәлім етті.
14:14 26.03.2019
Спортшы twitter парақшасында жазды. ММА аралас жекпе-жегіндегі ирландық спортшы Конор Макгрегор аралас жекпе-жектен кететінін айтты.
«Сәлем, жігіттер, тез арада мәлімдеме жасаймын. Мен «аралас жекпе-жек« деп аталатын спорттан кетемін. Бұрынғы әріптестеріме сәттілік тілеймін. Мен енді осы кәсіпорындағы зейнетте жүрген бұрынғы әріптестеріме қосылам», - деп жазды спортшы.
ММА талабы бойынша Конордың соңғы ойыны 2018 жылдың қазан айында өтті. Оның 21 жеңісі мен 4 жеңілісі бар. Бұрын жартылай жеңіл және жеңіл салмақта UFC чемпионы титулын иеленді. UFC аясындағы соңғы жекпе-жегінде Макгрегор ресейлік Хабиб Нурмагомедовтен жеңілген болатын. Жекпе-жектен кейін ресейлік спортшы ирландиялықтың командасымен сөзге келіп, кейін арты төбелеске жалғаcқан еді. Салдарынан екі файтер де спорттан уақытша шеттетілді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
