«SportFEST Kazakhstan» Республикалық ойындарына 7 мыңнан астам мектеп оқушылары қатысады!
2019 жылы наурызда елімізде «SportFEST Kazakhstan» Республикалық байқаулар басталады.
15:00 27.03.2019
Үлкен жобаның іріктеу турлары басталған бірінші аймақ Атырау облысы болды. Жобада 7000-нан астам 2003-2005 ж.ж. туылған оқушылар қатысады. Үздік атаққа ие болу үшін 14 облыстың, 215 ауданның және Астана, Алматы мен Шымкент қалаларының оқушылары жарысады. Оларды шахмат, үстел теннисі, баскетбол, мини-футбол, әскери-қолданбалы және тоғыз құмалақ спорт түрлерінен байқаулар күтеді.
«SportFEST Kazakhstan» екі кезеңде өтеді. Біріншіден республиканың 14 облысында және Астана, Алматы мен Шымкент қалаларында аймақтық жарыстар өткізіледі. Үздіктер бағалы жүлделермен марапатталып финалға өтеді. Екінші кезеңде әрбір спорттың жеңімпаздары аймақтың немесе республикалық маңызы бар қаланың атынан қатысады.
Айта кету керек, әрбір аумақта, жарыстан кейін бірден барлық спорттық жабдықтар (теннис үстелдері, доптар және де барлық үстел ойындар) мектептерге сыйға тартылады. «SportFEST Kazakhstan» - жастардың арасынан бұқаралық спортты, салауатты өмір салты мен патриоттық тәрбиені насихаттау бойынша арнайы жоба.
«Бұл еліміздің аумағында екінші рет өткізіліп отыратын ең ірі жарыстардың бірі. Жоба өздігінен жүзеге асыруға, балалар мен жасөспірімдердің физикалық дамуына мүмкіндік береді, оқушыларды спортпен шұғылдануға және салауатты өмір салтын ұстануға ынталандырады. Сонымен қатар, «SportFEST Kazakhstan» - еліміздегі бұқаралық спортты дамытудың жарқын мысалы болып табылады», - деп «Samruk-Kazyna Trust» әлеуметтік жобаларды дамыту Қорының өкілі Мирас Иргебаев мәлімдеді.
Жастар жобасы «Менің елім» өңірлердегі әлеуметтік инвестициялар бағдарламасының шеңберінде «Samruk-Kazyna Trust» әлеуметтік жобаларды дамыту Қорының және «Коммуникативтік бастамалар мен стратегиялар қоры» қолдауымен жүзеге асырылады.
«Менің елім» әлеуметтік инвестициялар бағдарламасы мақсаты - «Самұрық-Қазына» АҚ тобының кәсіпорындар тобы қатысатын аймақтардағы өмір сапасын жақсартуға бағытталған жобаларды іске асыру.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
