Оралда автобус зейнеткер әйелді қағып өлтірді
Жаяу жүргінші алған жарақаттары салдарынан ауруханада қайтыс болды.
19:07 28.03.2019
Батыс Қазақстан облыстық полиция департаментінің баспасөз қызметінен түскен мәліметке қарағанда, оқиға бүгін сағат 10.00-дер шамасында болды. Нұрсұлтан Назарбаев атындағы даңғыл бойында №2 бағытпен жүретін автобус белгіленбеген жерден өтіп бара жатқан 1937 жылғы кейуананы қағып кетті.
Жаяу жүргінші алған жарақаттары салдарынан ауруханада қайтыс болды. Қазіргі кезде ҚР ҚК 345-бабы, 3-бөлігіне сәйкес сотқа дейінгі тергеу амалдары жүргізілуде. Еске сала кетейік, кеше Оралда жол апатынан төрт адамның жарақат алғанын жазған болатынбыз. Бүгін таңертең депо көпірінің астынан ер адамның мүрдесі табылды.
Дереккөз: ҚазАқпарат
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
