Алматыдан Таразға 5 мың теңгеге ұшақпен баруға болады
FlyArystan әуекомпаниясы 2019 жылдың 1 мамырынан бастап Алматыдан Таразға қатынайтынын хабарлайды.
15:02 29.03.2019
«FlyArystan» бюджеттік әуе компаниясы кейбір бағыттарға билет құнын жария етті. Сапар ұзақтығы 60 минут болатын біржақты билет құны әуежай алымдарымен қоса есептегенде 4 999 теңгеден басталатыны айтылады. FlyArystan өкілдерінің айтуынша, Алматы-Тараз-Алматы бағытымен 180 орындық, заманауи Airbus A320 ұшақтары күнделікті сапарға аттанады. Осылайша, жаңа әуекомпания осы бағыт бойынша бір жылда 130 000 аса жолаушыны тасымалдайды.
«Жақындарыңызға енді әр апта сайын ұшуға болады. Бір жақты билет құны небәрі 4 999 теңгеден басталады», - делінген таратылған ақпаратта.
Сонымен қатар Орал мен Алматы бағытындағы рейске билет құны небәрі 12 999 теңгеден басталатындығын хабарланды. Дәл қазір билеттерді flyarystan.com сайтында арзанырақ сатып алуға болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
