Бірыңғай жинақтаушы зейнетақы қорының басшысы ауысты
Жанат Құрманов БЖЗҚ басшысы болып тағайындалды.
17:49 01.04.2019
Нұрбүбі Наурызбаеваның орнына Қазақстанның ұлттық банкі төрағасының орынбасары Жанат Құрманов отырды. 2017 жылдың қаңтарынан бері Зейнетақы қорын Нұрбүбі Наурызбаева басқарып келген болатын. Директорлар кеңесінің шешімімен оның уәкілеттігі тоқтатылды.
Жанат Құрманов 1962 жылы 22 ақпанда Қарағанды қаласында дүниеге келген.
1985 жылы Киров атындағы Қазақ мемлекеттік университетін тәмамдады.
1996 жылы Мәскеуде экономика, менеджмент және құқық универсиеттін бітірді.
2017 жылы Оксфорд университетінде бизнес мектебі бағдарламасы бойынша диплом қорғады.
Ол өз еңбек жолын 1985 жылы Қазақ КСР Ядролық физика институтында инженерлік қызметтен бастаған.
1996 жылдан бастап - қаржы саласында, 1999 жылдың желтоқсанынан басшылық лауазымдарда қызмет етті.
Жанат Құрманов 2017 жылы 13 қыркүйекте президент жарлығымен ұлттық банк төрағасының орынбасары қызметіне кіріскен болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
