Елордадан Алматыға 7 мың теңгеге рейстер ашылды
Мұндай мүмкіндікті жаңадан ашылған FlyArystan әуе компаниясы ұсынып отыр.
18:45 02.04.2019
Бұл туралы әуе компаниясының сайтында хабарланды.
"Бұл бағытта күніне екі рейс тұрақты ұшатын болады. Алғашқысы келесі айдың біріне жоспарланып отыр", - деп хабарлады әуе компаниясының баспасөз қызметі.
Бүгін қазақстандық FlyArystan әуе компаниясы Алматы - Нұр-Сұлтан бағытында билеттерді сатуға кірісті. 2019 жылы 1 мамырда сыйымдылығы 180 орны бар реактив Airbus A320 әуелайнерлері Нұр-Сұлтаннан ұша бастайды. Қазақстандықтар арасында танымал бағыт бойынша тарифтің ең төменгі құны бір жаққа 6 999 теңгеден басталады. Билеттерді брондау компанияның сайтында қолжетімді.
Бұған дейін, FlyArystan әуекомпаниясы Алматыдан Таразға дейін 2019 жылдың 1 мамырына жоспарланған алғашқы рейске билет сатуды ашқаны хабарланған. Сапар ұзақтығы 60 минут болатын біржақты билет құны әуежай алымдарымен қоса есептегенде 4 999 теңгеден басталатыны айтылады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
