Көпқабатты үй жарылып, 2 адам көз жұмды
Өзбекстанның Сұрхандария облысы Термез қаласындағы көпқабатты тұрғын үйлердің бірі жарылып, екі адам мерт болды.
21:00 09.04.2019
Өрт қауіпсіздігі басқармасы хабарлағандай, марқұмдар жаңа салынған үйге көшіп келгендеріне көп болмапты. Өзбекстан бас прокуратурасы жарылыс 8 сәуірде 11:30-лер шамасында үйдің жертөлесінде орын алғанын мәлімдеді. Ол жерді Fasad Diyor жеке компаниясы қойма ретінде пайдаланған екен.
Қоймада пенопласттан жасалған бұйымдар, әжетхана қағаздары және басқа тауарлар сақталған. Тергеу мәліметі бойынша, қойма иесінің атасы мен тағы бір кісі жертөлеге кіріп, электр жарығын жаққан кезде, топталған газ жарылуға себеп болған.
Дереккөз: centralasian.org
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
