Алматыда жылу желісі жарылып, 4 адамды күйік шалды
Бүгін таңертең Алматыдағы Пушкин көшесінде жылу магистралі жарылып кетті.
10:04 10.04.2019
Алматы жылу желілері кәсіпорнында төтенше жағдай таңғы 4 шамасында Пушкин көшесінен өтетін учаскеде болғанын мәлімдеді. Жарылыс 10 сәуір күні сағат таңғы 4:14-те Төле би көшесінің оңтүстік бөлігінде болған. Компания ақпаратына сәйкес, жарылыс себебі 1993 жылдан бері пайдаланылған құбырдың тозуы болған. Салдарынан 4 адам зардап шекті.
«Көпқабатты үйдің 7 пәтері мен тұрақта тұрған 8 көлікке зақым келді. Барлық келтірілген шығындар көлемі есептелген соң заң шеңберінде өтелетін болады»,- деді Алматы жылу желілері кәсіпорнынан.
Алматы коммуналдық қызметтері апаттың салдарын жоюға кірісті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
