Ер адамға түйеқұс тап беріп, көз жұмды
Оқиға АҚШ-тың Флорида штатында болған.
10:54 15.04.2019
Оқиға Флорида штатындағы фермалардың бірінде болған. Алачуа округінің құтқару қызметі айдарлы түйеқұс өз иесіне тап бергенін айтады. 75 жастағы Марвин Ахос құлаған кезде, оған казуар бас салған. Ер адам алған жарақатынан көз жұмды. Құс ферманың аумағында қалды. Оны мамандар бақылайтын болады.
Казуар ең қауіпті құстардың бірі ретінде Гиннестің рекордтар кітабына енген. Олардың биіктігі екі метрге дейін жетеді. Салмағы – 60 келі. Казуар құсы жылдамдығын сағатына 50 шақырымға дейін жеткізе алады. Олар сирағымен жойқын соққы жасайды. Тырнақтарының ұзындығы он сантиметрге дейін жетеді.
Дереккөз: Sputnik
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
