Қазақстанның 4 облысында дауылды ескерту жарияланды
Қазақстанның төрт өңірінде ауа райына байланысты ескерту жарияланды.
18:14 16.04.2019
17 сәуірге арналған ауа-райы болжамын "Қазгидромет" жариялады.
Қызылорда облысының кей жерлеріне тұман түсіп, күндіз найзағай ойнайды. Шығыс, оңтүстік-шығыстан соғатын желдің бағыты солтүстікке ауысып, жылдамдығы 15-20 м/с-ке жетеді.
Ақмола облысының кей жерлеріне тұман түсіп, көктайғақ болады. Оңтүстік-батыстан соққан жел солтүстік-батысқа ауысып, жылдамдығы 15-20, кей жерлерде екпіні 23 м/с-ке жетуі мүмкін.
Сондай-ақ, Қостанай облысының кей жерлеріне тұман түсіп, көктайғақ болуы ықтимал. Солтүстік-батыстан жел соғып, жылдамдығы 15-20 м/с болады.
Батыс Қазақстан облысының кей жерлерінде солтүстік-шығыстан соғатын желдің екпіні 15-20 м/с дейін күшеюі мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
