GGG-дің келесі қарсыласы белгілі болды
Орта салмақтағы бұрынғы әлем чемпионы Геннадий Головкин (38-1-1, 34 КО) маусымда рингке оралады.
10:01 17.04.2019
Қазақстандық боксшы Геннадий Головкин (38-1-1, 34 КО) BoxingScene тілшісі Кевин Айолға берген сұхбатында кіммен жұдырықтасатынын айтты. Ол 8 маусымда Нью-Йоркте (АҚШ) Madison Square Garden аренасында 35 жастағы канадалық боксшы Стив Роллспен (19-0, 10 КО) кездеседі. Боксшылар 164 фунтқа дейінгі салмақта кездеседі.
Головкин үшін Роллсқа қарсы жекпе-жек DAZN стримингтік компаниясымен үш жылдық келісімшарт бойынша бірінші кездесу болмақ.
«Шаршы алаңға оралатыныма өте қуаныштымын. Мен боксты жақсы көремін және Стив Роллспен жекпе-жегімді тамашалайтындарға бар өнерімді көрсетуге уәде беремін», - деді Головкин.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
