Шымкентте дәрігерлер 800 гр болып туылған сәбиді аман алып қалды
Шымкент қаласында ақ халаттылар 6 айлық болып шала туылған шарананы аман алып қалды.
15:58 19.04.2019
1 ақпанда қалалық перинаталдық орталыққа Дилфуза Артықбаева есімді жүкті әйел ауыр жағдайда түскен. Қалалық денсаулық сақтау басқармасының баспасөз қызметі хабарлағандай, шақалақты дәрігерлер бірден жан сақтау бөліміне жатқызған. Оның салмағы 800 грамм ғана болған.
Өкпесінің жетілмеуі, барлық ағзасы жетілмей туылып, тыныс алуында қиындықтар болғандықтан, жасанды тыныс алу аппаратына қосылған. Небәрі 800 грамм салмақтағы сәби ерекше күтімге алынып, нәтижесінде екі айда 1820 грамм салмақ жиған. Сәби өздігінен дем алған соң, аппараттан алынып анасының қасына палатаға шығарылған. Ана мен баланың жағдайы жақсарып, перзентханадан үйіне шығарылды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
