Алматыда жүк көлігі түгі қалмай өртеніп кетті
Жүк көлігі түгі қалмай өртеніп, оның жүргізушісінің беті күйіп қалған.
01:00 23.04.2019
Алматы қаласы ТЖД «101» пульт нөміріне қаланың Әуезов ауданында, Райымбек даңғылында орналасқан «KazMart-1» ЖШС аумағында тұрған ГАЗель автокөлігінің өртеніп жатқаны жайлы хабар түскен.
«Жалын шарпыған аумақ 6 шаршы метрді құрап отыр. Өрт ауыздықталып, толықтай сөндірілді. ТЖ нәтижесінде 1970 жылы туған жүргізушінің беті күйіп қалған. Жедел жәрдем бригадасының тексерісінен соң оған ауруханаға барудың қажеті болмаған», - деп хбарлады ведомствоның баспасөз қызметі.
Өртті сөндіруге Алматы қаласы ТЖД жеке құрамның 9 маманы мен 3 өрт сөндіру техникасы жұмылдырылды.
Дереккөз: Zakon.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
