БҚО-да жол апатынан зардап шеккен оқушы көз жұмды
Батыс Қазақстан облысының Жаңақала ауданында мектеп оқушысы жасаған жол-көлік апатынан зардап шеккен қыз ауруханада көз жұмды.
17:29 26.04.2019
БҚО денсаулық сақтау басқармасы баспасөз қызметінің мәліметінше, жол-көлік оқиғасы салдарынан ауыр жарақат алған 11-сынып оқушысы 25 сәуірде 16:14-те қайтыс болған.
Еске сала кетсек, оқиға 20 сәуір күні кешкісін аудан орталығы Жаңақала ауылы маңында болды. Ауылдағы №3 орта мектептің 11-сынып оқушысы «Лада Ларгус» автокөлігін айдап кетіп, сыныптастарымен қызғалдақ теруге барған. Қайтар жолда рульге ие бола алмай, көлік аударылып қалған. Көліктің ішінде болған 17 жастағы қыз аса ауыр жарақат алған еді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
