Қуат Хамитов чемпиондық белбеу үшін жекпе-жекте жеңіліп қалды
Қазақстандық файтер Қуат «Найман» Хамитов ресейлік Fight Night Global ұйымының чемпиондық белбеуі үшін жекпе-жекте әзірбайжандық Нариман Аббасовтан ұтылып қалды.
09:35 27.04.2019
Мәскеу түбіндегі Мытищи қаласында өткен FNG93 турнирінде спортшылар бес раунд бойы күш сынасты. Нәтижесінде төрешілер жеңісті Нариман Аббасовқа берді - 48:47, 47:47 және 48:47.
"Мен ұпай бойынша жеңіске жеткеніме сенімді едім. Бірақ, төрешілер әдеттегідей басқаша есептейді. Мен екі раундты айқын жеңдім. Қалған үш раундта тең ойнадық. Төрешілер қайта қарауы керек, біз шағым түмсіреміз", - деді Қуат "Найман" Хамитов.
Бұл Қуат Хамитовтың 2017 жылдың қарашасынан бері алғашқы жекпе-жегі. "Найманның" ендігі статистикасы мынадай: 19 жеңіс, 1 тең және 7 жеңіліс.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
